evening snacks for kids மொறு மொறு ஈவினிங் ஸ்னாக்ஸ் -veg nugget balls

 பள்ளியில் இருந்து வீடு திரும்பும் குழந்தைகளுக்கு பிடித்தமான மொறு மொறு வெஜ்  கிறிஸ்பி  நகெட்  பால்ஸ்

செய்ய தேவையான பொருட்கள் :

• வேக வைத்த  உருளை கிழங்கு  - 1
• பன்னீர்                                                   - 100 gm 
• வெங்காயம்                                         -2 தேக்கரண்டி 
• பச்சை மிளகாய்                                  -1
• கறிவேற்பிலை                                   - சிறிதளவு 
• பிரட் துண்டுகள்                                  - 3 (அ ) 4
• இஞ்சி பூண்டு விழுது                       - அரை தேக்கரண்டி 
• மஞ்சள் தூள்                                         - சிறிதளவு 
• மிளகாய் தூள்                                       - சிறிதளவு 
• சாட்  மசாலா                                         - சிறிதளவு 
• மைதா  மாவு                                         - 1 தேக்கரண்டி 
• எண்ணெய்                                              - பொறிக்க தேவையான அளவு 
• உப்பு                                                           -தேவையான அளவு 

செய்முறை:

முதலில் உருளை கிழங்கை வேக   வைத்து  துருவி எடுத்து கொள்ளவும் .

பன்னீரை  சூடு தண்ணீரில் சிறிது நேரம் ஊற வைத்து வடி கட்டி எடுத்து கொள்ளவும். ஏனெனில் பன்னீரின் வாடை  வராமல் இருப்பதற்காக  பன்னீரை வடிகட்டி அதையும் பிசைந்து வைத்து கொள்ளவும் .  இப்போது கிழங்கு , பன்னீர், வெங்காயம்,பச்சை மிளகாய் , கறிவேற்பிலை மஞ்சள்தூள், மிளகாய் தூள் ,சாட்  மசாலா,இஞ்சி பூண்டு விழுது ,உப்பு சேர்த்து நன்கு பிசைந்து கொள்ளவும் . தண்ணீர் ஊற்றாமல் பூரி மாவு பதத்திற்கு பிசைந்து கொள்ளவும் . சிறிய   உருண்டைகளாக உருட்டி  கொள்ளவும் . இந்த உருண்டைகளை ஒன்றிலிருந்து  அரை மணி நேரம்  பிரிட்ஜ்ல் வைத்து எடுத்து கொள்ளவும் .இப்படி வைப்பதால் உருண்டைகளை பொரிக்கும் போது  உதிராமல்  இருக்கும் . பிறகு இன்னொரு பாத்திரத்தில் மைதாவை எடுத்து நன்கு தோசை மாவு  பதத்திற்கு கரைத்து கொள்ளவும் . உருண்டைகளை  மைதா கலவையில் முக்கி பிரட் தூளால்  உருட்டி எடுத்து 2 நிமிடம்  கழித்து  எண்ணெயில்  போட்டு  பொரித்து எடுக்கவும் .

இப்போது தயார்  அனைவரும் விரும்பும் மொறு மொறு ஈவினிங் ஸ்னாக்ஸ்.

இத்துடன் டொமட்டோ  சாஸ் சேர்த்து பரிமாறலாம்..... சுவையாக இருக்கும் .