kovil puliyothara recipe in tamil / puliyotharai recipe in tamil

1 kg  புளியோதரை  சாதத்திற்கு  தேவையான பொருட்கள் மற்றும் செய்முறை விவரங்கள் ............

 தேவையான பொருட்கள் :

வறுப்பதற்கு  தேவையானவை :

• கடுகு                                             - 2 தேக்கரண்டி                                         
• வெந்தயம்                                   -2 தேக்கரண்டி  
• சமையல் கடலை பருப்பு     - 2 தேக்கரண்டி 
• உளுந்து                                        -2 தேக்கரண்டி 
• காய்ந்த மல்லி                          - 1 கைப்பிடி அளவு 
• பச்சரிசி                                         - 1 கைபிடி அளவு 
•  மிளகாய் வற்றல்                    - காரத்திற்கு ஏற்ப  (eg : 10 எண்ணிகை )

தாளிப்பதற்கு தேவையானவை :

• நல்ல எண்ணெய்                    - 250 ml 
• கடுகு                                            - 2 தேக்கரண்டி 
• உளுந்து                                       -2 தேக்கரண்டி 
• சமையல் கடலை பருப்பு     - 50 mg 
• நிலக்கடலை பருப்பு               - 50 mg 
• கறிவேற்பிலை                         - ஒரு கைப்பிடி  அளவு 
• மிளகாய் வற்றல்                     - 5 எண்ணிகை 
• பெருங்காயத்தூள்                   - 2 தேக்கரண்டி 
• மஞ்சள்தூள்                               -2 தேக்கரண்டி
• புளிக்கரைசல்                           - 250 mg 
•  உப்பு                                             - தேவையான அளவு 

 செய்முறை :

முதலில் வறுக்க வேண்டிய பொருட்கள் அனைத்தையும் வாணலியில் தனி
தனியே  எண்ணெய்  சேர்க்காமல் பொன்னிறமாக வறுத்து எடுத்து கொள்ளவும். பிறகு இவற்றில் மிளகாய் வற்றலை தவிர அனைத்தையும் ஒன்றாக சேர்த்து  பொடி செய்து கொள்ளவும் . பிறகு  வறுத்த மிளகாய் வற்றலை ஒன்றிரண்டாக  அரைத்து கொள்ளவும் .

இப்போது தாளிக்க தேவையானவற்றை எடுத்து கொள்ளவும் . வாணலியில் எண்ணெய் ஊற்றி அது நன்கு காய்ந்ததும் கடுகு,உளுந்து, சமையல்  கடலை பருப்பு, நிலக்கடலை பருப்பு ஆகியவற்றை  பொன்னிறமாக பொறிய  விடவும் .பிறகு கறிவேப்பிலையும் சேர்த்து வறுக்கவும் .பின்பு இவற்றில் பெருங்காயத்தூள் , மஞ்சள்தூள் சேர்த்து சற்று நேரம் வதக்கவும் இவற்றுடன் நம் அரைத்து வைத்துள்ள கலவையும் சேர்த்து வதக்கவும் (குறிப்பு : கருக விடாமல் வறுக்கவும்).

இவற்றுடன் புளிக்கரைசலை நன்கு வடிகட்டி சேர்க்கவும் . கரைசல் நன்கு கொதித்து வற்ற வேண்டும் . நன்கு கெட்டியாக வற்ற வேண்டும் . நாம் ஊற்றிய எண்ணெய்  மேலெழுப்பி வரவேண்டும் அந்த அளவுக்கு வற்ற வேண்டும் .

இப்போது நமக்கு தேவையான புளித்தொக்கு  ரெடி .  தொக்கு நன்றாக ஆறியவுடன் , வடித்த ஆரிய சாதத்துடன்  சேர்த்து கிளறி சிறிது நேரம் கழித்து  பரிமாறவும் .